مساء الخير للجميع,وعقبال الصحه والعافيه عليكم ومن يعز عليكم

أخواني ..بسطور بسيطه لتعرف ان الخدمه فعلا تستاهل ان تدفع مقابلها او لا

جرب خلال شهر واحد او أسبوع قس على ذلك كيفما شئت .... ان مااحصلت عليه من داون لوود من قبل موبايلي او الاتصالات او غيره هو نفس العرض

المقدم لك على اساس 256 او 512 او 1ميجا ...ألخ

على شان تعرف!! أبد سهله..... اضرب( محصلت) ماقمت بتنزيله من داون لوود خلال فتره الاشتراك او فترتك التجريبه أيا كانت

بسرعه والناتج يخبرك هل نصبوا عليك ولا لا

وأنا اقولها من باب تجربه

1ميجا(سرعه بالبايت المفروض تكون)*60(ثانيه) *60(دقيقه)*(ساعه)24*30(يوم) =بايت2592000

2592000 مقسوم على1024(جيجابايت)= 2531.25 والنتيجه كم تحصل على جيجا بايت اي 2.5 تيرا بايت داون لود ماهو بيت ...ناهيك عن الاب لوود

بكل بساطه اقولكم هؤلاء تأسسو على كذب وسوف يستمرون عليه ...

هل يعقل ماتقدمه شركات بالدوال الاسكندنافيه او أي دول أوروبيه أيا كانت حتى بنغلادش سرعاتهم خياليه.واكبردليل السويد تصل سرعه عندهم4جيجا بايت

ماهو بت ملاحظه1 البايت =8 بيت

يعني اكلينا أكل ....... ان صح المعلومه ان مايقدمونه يرضي جميع المستخدمين وهذا من جانب الشبكة المعلوماتيه فمابالكم بما يقدمونه على نطاق اوسع!!!!!

ودمتم سالمين...

كما وصلني

الرجاء ممن جرب و عنده معلومات مخالفة لما هو آت افادتنا بما عنده

[فقط الأعضاء المسجلين يمكنهم رؤية الروابط. ]

الشامل يجيبها بالكامل

تنبيه: تحذير من خدمة DSL شامل مع المودم (لا للاحتكار و الخداع)

انتبهو يا اخوان من ان تشتركو مع الاتصالات في خدمة DSL شامل الكامل و التي تشمل المودم الخاص بالاتصالات، صراحه تراها نصبه كبييييييييييره و توني متوهق معاهم

توني مشترك مع الاتصالات في خدمة شامل لمنزلي الجديد (كنت في السابق مشترك مع DSL شامل قبل الانتقال للمنزل الجديد)، لما كلمت على 907 و طلبت الخدمه سألني قال بما انك مشترك بسرعه عاليه ترى عندنا خدمه شامل الكامل الآن و التي تشمل المودم الخاص بالاتصالات و تركيبه مقابل 240 ريال.

قلت في نفسي مودم خاص بالاتصالات و ب 240 ريال مع التركيب، اكيد المودم بكون نوع جيد من احد الشركات المعروفه ، سألته قلت له طيب هل يعمل المودم مع شركات الانترنت الاخرى مثل اول نت و نسمى قال ايييييه طبعا ،
قلت زين نتوكل على الله!!!!!

المهم جاني بعد كم يوم مسؤل التركيب مع المودم(مودم صيني تحس انه رخيص و من شركه تعبانه لما تمسكه و من غبر اسم شركه عالميه، مكتوب عليه الاتصالات السعوديه ) قلت يالله ركبه (همانا شريناه خلاص) ، قعد يحوس عندي ساعتين و بعدين قال في مشكله عندك ارجع لك بعدين، رجع بعد يومين ثمن قال اسلاك البيت عندك فيها مشكله، المهم عرفت ان ماعنده ماعند جدتي وقلت له شكرا خلاص انا اسويها ، جبت فني من الحراج و ظبطها لي في ربع ساعه!!!!

المشكله موب هنا، المشكله ان زوجتي بغت تطردني انا و المودم من البيت بعد ما اشتغل ، البيت عندنا صارت ريحته مخيييييييسه!!!! المودم لما تشبكه في الكهرب لانه من النوع الصيني التعبان تطلع منه ريحة بلاستك محترق قويييييييييه ، كلمت الاتصالات قلت اخاف انه محترق، قالو لي لا عادي هو كذا ( شوي ويقول :البس كمامه وما حتشم شي، أي خدمه اخرى ؟ شكرا لاتصالك بالاتصالات السعوديه ).

المهم حطيت المودم في غرفه منعزله عشان الريحه، قبل كم يوم خرب علي ال ADSL شامل كلمت الاتصالات قالو في مشكله حاليا و بنصلحها انشاء الله خلال يومين ، قلت زين ابجيب اشتراك اخر من مكتبة جرير لين مايصلحون الانترنت عندهم، جبت اشتراك اول نت وجيت ابرمجه في المودم!!!!! ما يتبرمج الاشتراك (الجهاز ما يقبل أي اشتراك اخر غير DSL شامل من الاتصالات )، كلمت الاتصالات وسألتهم قالو لي لا المودم مايشتغل الا مع DSL شامل!!!!!!!!!!!
قلت بس انا سائلكم قبل ما اشتريه!!!!!!! قلتو يشتغل ،قال لا يمكن الي قالك ماكان يعرف!!!!!!!

طيب يا اخي انا ما اخذته ببلاش، انا شاريه ب 240 ريال!!!! المفروض يشتغل ، لو اني داري كان شريت مودم من السوق افضل و بدون ريحه و من شركه معروفه و افضل في التغطيه الاسلكيه و..... و ........ و ....... !!!!!!!!

و الله حرام صدق انهم غشوني اغروني بمودم ارخص بـ 20 – 30 ريال (فرق ما يستاهل ابد) من السوق عشان تاخذ منهم مودم مايشتغل الامعهم و تتورط وياهم!!!!! على الاقل المفرض اذا بسون له اغلاق على خدمتهم المفروض يكون مجاني، او يكون مفتوح لجميع الاشتراكات الاخرى. بس هي شركه متعوده على الاحتكار و تبحث دائما عن الاحتكار.

و كل ما قلت لهم شي قالو ترى حنا حاطين برنامج الفاحص مجاني !!!! احلفوا!! على فكرة هذا البرنامج مثله موجود في معظم اجهزة المودم و احسن منه بعد، انا شايفه في ال نيتجير و السبيدتتش، تبون تبيعونه بعد !!! و على فكرة ما منه فايده اظاهر لو بشغله بقول حول 15 ريال للاتصالات اول

المهم يا اخوان احذروا ان تقعوا في غلطتي وتاخذو المودم من الاتصالات، يبيعونه عليك و يظمنون انك لاتستطيع ان تشترك مع شركه اخرى، انا ارفض الاحتكار و ارفض الخداع. شي يفشل صدق شركه بحجم الاتصالات و تضع اسمها على مودم بهذا الشكل!!

و اليوم اشوف الاتصالات قامت تعلن عن هذه الخدمه لجميع السرعات في الشوارع فكان علي التنبيه (طبعا لعبوا علينا الشهر الماضي و ما انباع عندهم – تورطو فيه- قالو يلا الحين نلعب على المشتركين في جميع السرعات الشهر هذا!!!! كود نورطهم فيه)

منقول من اليميل ....

مع تحياتي لمن اسعد حياتي

اخوكم : الـــوافـــي