قصص خيالية ~~~~ علي أرض واقعية
مــقدمــة و تعريف
شخصيات القصة : -
أحمد المصري ( الاب مفتاح الهوا )
عمر الإمام ( الابن هادي شطة )
الاخوات الثلاثة
روودي ( شقاوة ) - روزا (زرزورة) -
همس الزيادي (توهان )
وصف لكل شخصية :-
شــــقــــاوة :-
الطول 250 ســم شقاوة هوايتها لعب كمال اجسام وعشان كده كل البيت بيحترمها جداً ومش بنحب نزعلها وكمان بتحب و الجري جوه الشقة فكانت تتزحلق كتير اوي فلما بتتزعلق مش بتقع علي الارض زينا لا لا لا خالص كانت بتتشعلق في النجفة لانها اقرب لشقاوة من الارض فكانت بتتكهرب كتيير اوييييييييي ومن هنا اصبح شعرها سميك شوية . هو مش شوية هو شويتين . هو بئه عامل زي حديد تسليح عز كده ومبقاش ينفع معاها كريمات الشعر العادية فعملنلها خليط مونه عبارة عن اسمنت وجبس وشوية رمل وبئه ده بالنسبلها كريم چيل جامد اوي .... وهي الوحيدة الحاصلة علي جائزة ضرب اكبر عدد من الشباب في الشارع .... وبالنسبة للحلوي المفضلة (( الشيكولاته )) وبعد ما بتاكل منها بتدخل غرفتها وبنلاقي صوت عالي زي العفريت إلي طلع لاسماعيل يس كده وده لانها بتكون فرحانة .. وكل ما بتاكل شيكولاته لازم نغير ببان البيت كله لانهم كلهم بيتكسروا من فرحتها بالشيكولاته ..... دي نبذة عن شقاوة
زرزورة :-
الطول 120 ســم x 120 ســم وبردو بتلعب مع اختها شقاوة كمال اجسام بس هي من كتر شيل الحديد والاكل اصبحت مليانة شوية او نقدر نقول شويتين او بالاحري هي عاملة زي الكورة من بعيد وهوايتها المفضلة الاكل ومكان انسجامها هو المطبخ ... بتنسجم جداً مع الحلل في المطبخ ولما بييجي الليل ولازم تنام بندخل كلنا علشان ندحرجها من المطبخ علي غرفتها ... واما عن شكل رأسها فهو قريب جداً من شفيق يا رااااااااااااااااااجل علشان يليق مع الجسم المدور ده .. وهي الوحيدة الحائزة علي جائزة اكبر كورة في العالم .... وبالنسبة للفاكهة المفضلة (( المانجو )) ولها اسلوب معين في الاكل بتعمل هرم كبييييير من المانجو في المطبخ وتغطس فيه وتطلع كلها ملحوسة نفسها مانجو وبعدها لازم نروح بيها مغسلة السيارات لان هدومها حوالي 10 كيلو والغسالة بتاعتنا بتشيل لحد 5 كيلو بس . وبالنسبة لصوتها ارق شوية من شقاوة اختها بس بتتفتف وهي بتتكلم ..... دي نبذة عن زرزورة
تــــوهــان :-
الطول 150 ســـم وبردو راحت تلعب مع اخواتها كمال اجسام يقوها نحيفة جداً وزنوها لقوها 50 كيلو قالولها روحي يا أمورة ومن ساعتها بتفضل رياضة الشعلقة في يد اختها الطويلة شقاوة وبتحب رياضة اللعب في المناخير والجلوس امام الكمبيوتر وهو مقفول وحاولنا نعرف السبب معرفناش إلا بعد فترة طويلة دخلنا عليها وفتحنا النور قالت مين شال الفيشة بتاعت الكمبيوتر ... اتاري البنت كانت شايفة نفسها في شاشة الكمبيوتر وفاكرة ان هو كده مفتوح ...... وبتنسي بطريقة غير عادية لدرجة مرة نسيتنا وبلغت البوليس وقالتلهم في حرامية دخلو البيت ..... ومرة تانية نسيت اسمها في محل لعب اطفال ورحنا جبناه :..... وبالنسبة للشعر فهي شعرها قصير شوية ..هو مش شوية هو قصير خالص .. من الآآآآآآآخر هي قرعة بس مش قيلينلها كده علشان متزعلشي وملبسنها منديل بكور ملونة وهي فاكرة ان شعرها ألوان كتيرة ....... الوحيدة في عصرها والعصور السابقة الحاصلة علي جائزة ابيض دماغ في العالم .... وبالنسبة للفاكهة المفضلة (( التوت )) واول ما بتاكل منه بتفضل تجري ورا اخوتها وتقول
تووووووووووووووووووووووت تووووووووووووووووووت توووووووووووووووووووووووووووووووت
......... دي نبذة عن توهان
الأب مـــفــتــاح الــهــوا :-
الطول اكيد إلي يكون عنده حد في طول شقاوة اكيد طوله 200 ســم طبعاً مش هجيب مقاس من مزاجي وإلا يبئه بنضحك علي بعض ..... هوايته المفضلة الخنقة علي كل البيت وهو شخصية دكتاتورية متعصب جداً لرأيه حتي اذا كانت غلط واي حد يقول حاجة في البيت هو يقول عكسها لمجرد المخالفة وبس .... صح غلط مش مهم عنده .. لدرجة ان البيت كله عنده حالة من الكآبة والنكد لما بيكون في البيت ..... الوحيد الحاصل علي جائزة النكد العالمية ...... وطبعاً الحلوي المفضله له سد الحنك ولو اكلها لازم كل البيت ياكل منها وإلا يتحرم من المصروف علي طول .....دي نبذة عن الأب مفتاح الهوا
الأبن هـــادي شــطـة :-
طبعاً يا جماعة مش معقول اشوف العيلة بالشكل الخرافي ده
إلي فاضلهم بس يخرجوا من البيت
وهيلموا فلوس كتير اوي من علي ابواب الجوامع واكون شكلكم ....
اكيد طبعاً لازم اكون مختلف عنكم وشكلي وسيم يعني قمر قمر قمر
وإلا هيفجروا البيت بتاعنا ..... فطبعاً الطول لازم يكون 200 ســم
يعني نخلة صغيورة وعيوني نعسانة حتي وانا صاحي تمويه علشان
اي حد يشوفني يفتكرني هادي بجد وبيتكلم بسرعة اوي
ومحدش بيفهم منه حاجة .....
وهوايته المفضلة عمل مقالب في البيت كله وتقويم الناس علي بعضها
وافتعال المشاكل ومعرفة اسرار البيت كله .....
الحاصل علي جائزة يا مسافر ومعاك الشنطة متخدشي معاك هادي شطة
...... وعجبي ..... والحلوي المفضلة له زغزغينا بالكركرة
والضحك والخفة وممكن نضيف عليها شوية كتييييييييييرة
من الشربات و قليلُ ُ من البواخة والغتاته و الغلاسة
وهشتم بعد كده
هههههههههههههه
يتـــبع
*
*
*
عــمــر
وهشتم بعد كده
هههههههههههههه
يتـــبع
*
*
*
عــمــر